la fermata Falera

Liug da sentupada

Viva, inspironta e multifuncziunala - quei ei la fermata - in liug adattau per concerts, exposiziuns, teaters, seminaris, scolaziun e dietas. Era uniuns anflan cheu las dretgas localitads per lur activitads.
En la fermata s'entaupan carstgauns cun differents interess. Artists nezegian surtut quei liug sco plattafuorma per lur ovras. Interessents apprezieschan l'atmosfera speciala e surtut l'architectura dalla casa.
Indigens, uniuns, interessents ord la regiun e hosps s'entaupan en la fermata. Ensemen emprovan els da scuvierer e viver il mund dalla cultura. Ins s'inscuntra e gauda l'attractivitad dil program annual.

Cultura

Plascher e gust dil jazz, dalla classica, dil pop, dil blues ni dil rock? La cumissiun da menaschi organisescha concerts e festivals cun artists regiunals, naziunals ed internaziunals.
Buca mo la musica dat tempra alla casa - sculpturas, maletgs, fotografias e films enriheschan la purschida.
Giavischeis era Vus da presentar Vies event cultural en la fermata? La cumissiun da menaschi cusseglia bugen en tuts fatgs d'organisaziun.

Formaziun

Da temps en temps stattan las localitads da la fermata el center per scolaziun e formaziun. Firmas e concerns scoleschan lur conluvrers, teams da management s'entaupan per seminaris da strategia e beinduras fascinescha in referent da congress ina sala cun in publicum zun interessau. Seigi ei ina fatschenta, uniun ni associaziun - la fermata porscha per gruppas pintgas e grondas l'infrastructura adequata ed ideala.

proxima occurrenza

Maletg casual

Newsletter